Location
Rruga Ramazan Kasa
Telefono
+355698582358
Whatsapp
+355698582358
Orari
Mon - Saturday: 9AM - 9PM

Category: Blog

Your blog category

By skolioze.com Blog

Studim nga fizioterapistë shqiptarë në SOSORT 2025

📍 Dubrovnik, Kroaci | Prill 2025

Në Konferencën e 20-të të Shoqatës Ndërkombëtare për Trajtimin Ortopedik dhe Rehabilitimin e Skoliozës (SOSORT), një grup fizioterapistësh nga Shqipëria mori pjesë me një prezantim shkencor në formën e “virtual poster”.

🧠 Tema e studimit

Efektiviteti i metodës PSSE-Schroth në parandalimin e progresionit të Skoliozës Idiopatike Adoleshente (AIS).
Studimi krahasoi rezultatet e pacientëve që ndoqën ushtrime specifike të metodës PSSE-Schroth me ata që ishin në grupin kontroll. Vlerësimi u bë përmes analizave statistikore (paired samples t-test).

📊 Çfarë treguan rezultatet?

  • Pacientët e trajtuar me metodën PSSE-Schroth patën përmirësime të dukshme në krahasim me grupin kontroll.
  • Metoda u vlerësua si e efektshme në ngadalësimin e progresionit të skoliozës, duke mbështetur përdorimin e saj si një ndërhyrje fizioterapeutike bazuar në evidencë.

👩‍⚕️👨‍⚕️ Autore shqiptarë

Studimi u përgatit dhe u prezantua nga një grup fizioterapistësh nga Shqipëria, të përkushtuar ndaj kërkimit dhe praktikës klinike bashkëkohore në trajtimin e skoliozës.

Ky prezantim përfaqëson një kontribut domethënës të fizioterapisë shqiptare në skenën ndërkombëtare, duke sjellë në qendër të vëmendjes eksperiencën klinike dhe shkencore të vendit tonë.

By skolioze.com Blog

Zbulim i ri mbi skoliozën në SOSORT 2025 nga Shqipëria

Në prill të vitit 2025, qyteti bregdetar i Dubrovnikut, Kroaci, mirëpriti Konferencën e 20-të
Ndërkombëtare të Shoqatës për Trajtimin Ortopedik dhe Rehabilitimin e Skoliozës
(SOSORT) — një nga ngjarjet më të rëndësishme ndërkombëtare në fushën e trajtimit
konservativ të skoliozës.
Në këtë forum shkencor prestigjioz mori pjesë edhe Shqipëria, e përfaqësuar denjësisht nga
fizioterapisti MSc Silvio Selfo, i cili prezantoi një studim të ri dhe inovativ mbi rolin e
formës së kockës së koksiksit në përparimin e Skoliozës Idiopatike Adoleshente (AIS)

 

 

Një bashkëpunim ndërkombëtar me pjesëmarrje shqiptare

Studimi është rezultat i një bashkëpunimi të ngushtë shkencor mes profesionistëve
nga Shqipëria, Greqia, Turqia dhe Siria.

Autorët kryesorë të tij janë:

  • Mhd Firas Wahbeh (Siri)
  • MSc Silvio Selfo (Shqipëri)
  • MSc Nikos Karavidas (Greqi)

Ndërsa si bashkëautorë kontribuan:

  • MSc Olsa Meta (Shqipëri)
  • Prof.Dr Yavuz Yakut (Turqi)

Titulli i punimit të prezantuar ishte:
“Korelacioni midis Klasifikimit të Morfologjisë së Kockës së Koksiksit dhe Parashikimit të Progresionit të Skoliozës Idiopatike Adoleshente: Një Studim Retrospektiv Observacional.”

🔍 Qëllimi i studimit

Studimi synonte të hetonte nëse forma e koksiksit, e klasifikuar sipas sistemit Postacchini– Massobrio, si dhe këndet inter-koksigjeale, kanë lidhje me rrezikun e përparimit të AIS drejt ndërhyrjes kirurgjikale. Një qasje e re biomekanike që deri më tani ka qenë e pazbuluar në literaturën ekzistuese.

👥 Të dhëna dhe metodologji

  • Dizajni i studimit: retrospektiv observacional
  • Pjesëmarrësit: 200 pacientë me AIS, të moshës 11–18 vjeç
  • Klasifikimi i koksiksit: në tre tipe (I, II dhe III)
  • Përkufizimi i progresionit kirurgjikal: këndi Cobb ≥ 45°

📌 Rezultatet kryesore

  • 18% e rasteve (36 pacientë) përfunduan me ndërhyrje kirurgjikale.
  • Të gjitha rastet kirurgjikale kishin morfologji të tipit II ose III.
  • Asnjë pacient me tip I nuk përparoi drejt kirurgjisë.

Detaje të veçanta:

  • Tipi II kishte kënd të lartë pelvik (PI – 56.8°) dhe progresion të shpejtë të këndit Cobb – të gjithë këta pacientë përfunduan në kirurgji (100%).
  • Tipi III kishte PI të ulët (42.4°), por gjithashtu 100% progresion kirurgjikal përmes një mekanizmi tjetër biomekanik.
  • Ky rezultat sugjeron dy rrugë biomekanike të ndryshme që çojnë drejt përkeqësimit të skoliozës, në varësi të tipit të koksiksit dhe këndit pelvik.

🩺 Rekomandime klinike

Autorët sugjerojnë që:

  • Vlerësimi radiologjik i formës së koksiksit dhe këndit inter-koksigjeal duhet të përfshihet në diagnostikimin e hershëm të AIS.
  • Kjo do të ndihmojë në identifikimin e hershëm të pacientëve me rrezik të lartë, duke mundësuar parandalim më të mirë dhe ndërhyrje të personalizuar, për të shmangur progresionin kirurgjikal.

✅Përfundim

Ky studim paraqet një qasje inovative biomekanike në trajtimin e AIS dhe thekson rëndësinë e analizës së strukturës së pjesës së poshtme të shtyllës kurrizore në parashikimin e ecurisë së skoliozës.
Pjesëmarrja e Shqipërisë në këtë bashkëpunim ndërkombëtar është një shembull domethënës i përfshirjes së vendit në kërkimin shkencor bashkëkohor dhe në rrjetet ndërkombëtare të ekspertizës klinike.

By skolioze.com 0 Comments Blog

INTER-RATER AND INTRA-RATER RELIABILITY OF A NEW ADOLESCENT IDIOPATHIC SCOLIOSIS CURVE TYPE CLASSIFICATION, BASED ON CLINICAL, RADIOLOGICAL AND PROGNOSTIC CRITERIA

📚 INTER-RATER AND INTRA-RATER RELIABILITY OF A NEW ADOLESCENT IDIOPATHIC SCOLIOSIS CURVE TYPE CLASSIFICATION,BASED ON CLINICAL,RADIOLOGICAL,AND PROGNOSTIC CRITERIA

🔬 Ky studim shqyrton besueshmërinë e një klasifikimi të ri për kurbat e skoliozës idiopatike adoleshente, duke u mbështetur në kritere klinike, radiologjike dhe prognostike. Ai vlerëson saktësinë dhe qëndrueshmërinë e këtij klasifikim në identifikimin dhe trajtimin e tipeve të ndryshme të kurbave të skoliozës.
Studimi u prezantua në SOSORT 2024 – Boston nga themeluesi i metodes PSSE-SCROTH(Nikos Karavidas)

 

🏥 Kishim kënaqësinë  të kontribuonim në këtë studim Orthophysiotherapy (Tiranë, Shqipëri).

🔍 Bazuar në të dhënat e studimit, konkluzionet tregojnë se: klasifikimi PSSE-Schroth mund të rekomandohet për përdorim efektiv në klasifikimin dhe trajtimin e tipeve të kurbave në skoliozën idiopatike adoleshente (AIS).

By skolioze.com 0 Comments Blog, Webinar ,

Webinari i Qershorit Muaji i Ndërgjegjësimit ndaj Skoliozës

Hyrje

Qershori është muaji i ndërgjegjësimit ndaj skoliozës, një deformim tredimensional i kolonës vertebrale dhe trungut. Jemi të lumtur të njoftojmë organizimin e webinarit tonë të përkushtuar për këtë muaj, ku do të ndajmë informacion të rëndësishëm dhe do të ofrojmë udhëzime për të gjithë audiencën tonë.

Përshkrimi i Webinarit:

  • Data dhe Ora: 28 Qershor 2024,ora 13:00

  • Temat e Diskutuara:

    ‘‘Trajtimi konservativ i skoliozave ndërvite në QSUT’’

    ‘‘Natural History of scoliosis and guidelines’’
    ‘‘Treatment with corset for scoliosis’’
    ‘‘School screening for early detection of idiopathic scoliosis’’

  • Kontribuesit

    –Dr Edlira Bode (Drejtoresha e Spitalit Universitar të Traumës)
    –Blerina Duka (Presidente e Urdhrit të Infermierit)
    –MS.c Perli Rusi (Kandidat për doktoraturë/(Përgjegjës i Fizioterapisë në USHT)
    –Dr Ermira Zicishti (Përgjegjëse e Fizioterapisë në QSUT)

  • Folësit

    -Dr.Sabrina Donzelli (PRESIDENTE SOSORT)
    –CPO Rafael Hervas (CAD/CAM teknologji,trajnim në mbarë botën që nga viti 2008)
    –Phd.PT. Prof.Asc Dariusz Czaprowski (Kryetari i Departamentit të Fizioterapisë, Shkolla e Shëndetit Publik,Collegium Medicum,Universiteti i Warmia dhe Mazury, Olsztyn, Poland)
    –Ms.c Silvio Selfo
    (Spitali Universitar i Traumës PT, instruktor PSSE-Schroth për Shqipërinë dhe Maqedoninë e Veriut,Pedagog nëuniversitetin Aldent)

Pse është i rëndësishëm ndërgjegjësimi për skoliozen:

Ndërgjegjësimi për skoliozën është thelbësor për identifikimin dhe trajtimin e hershëm.
Ai kontribuon në edukimin e komunitetit dhe në informimin efektiv të të gjithë profesionistëve të kujdesit shëndetësor, duke lehtësuar identifikimin e hershëm dhe ndërhyrjet e nevojshme. Kjo qasje përmirëson cilësinë e jetës së individëve dhe parandalon përkeqësimin e saj.

Thirrja për Veprim:

Regjistrohuni tani dhe bashkohuni me ne në këtë webinar të rëndësishëm.
Ndani këtë postim me kolegët,miqtë dhe familjen tuaj për të ndihmuar në ndërgjegjësimin ndaj skoliozës. 

Së bashku, mund të bëjmë një ndryshim!